लेस्टरलाई हराउदै भिल्ला कारवाओ कपको फाइनलमा

खेलकुद समाचार
SHARE:

एजेन्सी – प्रिमियर लिग प्रतिद्धन्द्धी लेस्टर सिटीलाई पराजित गर्दै एस्टन भिल्ला इंग्लिस फुटबल लिग (इएफल) कप अर्थात कारवाओ कपको फाइनलमा प्रवेश गर्न सफल भएको छ । घरेलु मैदानमा लेस्टरलाई २–१ ले पराजित गर्दै भिल्लाले फाइनल यात्रा तय गरेको हो ।

समग्रमा भिल्लाले ३–२ को जित निकाल्दै उपाधि नजिक पुगेको हो । पहिलो लेगमा भिल्ला लेस्टरसँग १–० ले पछि परेको थियो । घरेलु मैदान भिल्ला पार्क बर्मिङघममा मंगलबार राति भएको खेलमा भिल्लाको जितमा माट टारगेट र ट्रेजीग्वेटले गोल गरे । लेस्टरका केलिची इहेनाचोले एक गोल फर्काए ।

खेलको १२औं मिनेटमा माट टारगेटको गोलबाट लेस्टरले पहिलो हाफमा १–० को अग्रता बनाएको थियो । उनले ज्याक ग्रियालिसको पास गोल गर्न सफल भएको थियो । ७२औं मिनेटमा केलिची इहेनाचोले गोल गर्दै खेललाई १–१ गोलको बराबरीमा ल्याए । उनले हार्वे वारनेसको पासमा गोल गर्न सफल भएका थिए ।

इन्ज्युरी समयमा ट्रेजीग्वेटले एहमेद अल महामादीको पासमा गोल गर्दै भिल्लाको २–१ को जित पक्का गरे । त्यसपछि थप गोल निस्कन नसक्दा भिल्लाले समग्रमा ३–२ को जित निकाल्दै फाइनलमा पुग्न सफल भयो ।

अर्काे सेमिफाइनलको पहिलो लेगमा म्यानचेस्टर सिटीले म्यानचेस्टर युनाइटेडलाई ३–१ ले पराजित गरेको थियो । दोस्रो लेग आज राति सिटीको मैदानमा हुदैछ । फाइनल पुग्न सिटीलाई बराबरी पर्याप्त रहँदा युनाइटेडलाई फाइनल प्रवेशको लागि कम्तीमा पनि ३–० को जित आवश्यक छ ।

प्रतिक्रिया:

Leave a Reply

Your email address will not be published. Required fields are marked *